Semana cultural cabraliega

Ya pasó la semana y llegó el momentu de facer balance: el martes y miércoles paselos caleyando pola plaza el castañeu y alredeores, soplando la gaita, baxo la lluvia, quitando daqué momentu que m'atechaba na jaima del mío amigu Fito, un de los meyores tallistas de maera que conozco, amás de escalaor, y na sidrería Calluenga, siempre con las mayores atenciones. Les cenes y sobrecenes pasaron muy rápides, sobre tou la del miércoles que finó nalborá.
Los dos días contamos cola presencia dun gaiteru escocés, Malcon, afincau nel Algarbe portugués dende fai cinco años, director del grupu danimación Sete Mares, ( 7setemares7@gmail.com ). Tuve la oportunidá de tocar con él la danza el osu, cola mío gaita en Sib.

Con bastante preocupación afronté el memorial gaiteru Llonín; gracies a la ayuda del tamboriteru Vitoriano sacamos alante la actuación: dos pasodobles y dos muñeires tradicionales. Pese a los nervios, supuso un gran honor la invitación de la organización.

La semana terminela colaborando, como jurado, nel concursu popular de escanciadores; en fin, contentu, agradecíu y con ganes de repetir.

Entamu

En vísperas de la semana cultural del certamen del quesu Cabrales, abro esti foru deseando sea del agradu de toos vosotros. La fecha vienme de maravilla ya que tendré la oportunidá de contavos la experiencia de mi próxima actuación como gaiteru animaor del mercáu tradicional de Arenas, así como la participación nel memorial "gaiteru de Llonín", a celebrar el próximu vienres; ye un honor pa mí tar rodeáu de dos de los más grandes gaiteros asturianos: Xuacu Amieva y Óscar Fernández, amás del músicu Héctor Braga y varios cantaores de asturianaes.
Al recordar a Pancho Galán, gaiteru Llonín, prestaríame volver la vista atrás fasta el añu 1974, cuando yo estudiaba en Llanes y compartía residencia con Llanín, gaiteru La Borbolla, en una pensión de la cai castillu núm. 3; con frecuencia Pancho visitaba al maestru y ensayaben y afinaben gaites; sin nenguna duda, les hores compartíes con los dos foron decisives pala mío afición al estrumentu.